Nor garen

Irache Tanatorioa 1975. urtean inauguratu zen Iruñean. Nafarroako lehenbiziko tanatorioa izan zen.

2000. urtetik aurrera, Irache Tanatorioak hitzarmenak sinatu zituen hileta zerbitzuen arloko beste profesional batzuekin, Nafarroa osora zabaltzeko. Horrela sortu zen Irache Tanatorio Taldea, gaur egun hauek ere biltzen dituena: Bortzirietako “Maldaerreka” hileta-zerbitzua, Elizondoko “Baztan” hileta-zerbitzua, Sakanako “Berea” hileta-zerbitzua, Lizarrako “Vega” hileta-zerbitzua, Zangozako “Rocamador” tanatorioa, Erriberagoieneko “La Ribera” hileta-kudeaketak, Tafallako “Ciprés” tanatorioa, Tuterako “Santa Ana” tanatorioa eta Cortesko “Anais” tanatorioa. Bestalde, Nafarroako arlo horretako beste enpresa batzuekin batera egiten du lan.

Irache Tanatorio Taldearekin erakunde profesional eta arina sortu da, hurbila erabiltzailearentzat eta pertsonei laguntzeko grina duena. Helburu nagusia hauxe du: herritarrak laguntza behar duen edozein tokitan, kalitatezko zerbitzu pertsonalizatua ematea, giza eta gauza baliabide egokiekin. Tratu pertsonalizatu hori, laguntza eta aholku-zerbitzua gau eta egun ematen da, urteko egun guzti-guztietan, Nafarroako Foru Komunitate osoan barreiatutako 50tik gora tanatorio eta beilategitan.

Bestetik, Irache Tanatorio Taldeak lan hitzarmena sinatu du arloko beste zenbait enpresarekin, eta haiekin batera “Nafarroako hileta-zerbitzuen Elkartea” sortu du. Espainian “Panaset” Hileta-zerbitzuen Patronalaren kide da.

 

Handituz goaz….

2008. urtean, Irache Tanatorio Taldeak  Irache Tanatorioa inauguratu zuen Burlatan. Eraikin moderno batean dago, behar diren instalazio guztekin, aparkaleku, lorategi, kafetegi eta guzti, Arga ibaiaren bazterretan, Iruñari eta Iruñerri guztiari zerbitzua emateko.

2009. urtearen hasieratik Irache Tanatorio Taldeak  tanatorio eta erraustegi zerbitzua eskaintzen du Tuteran. Errausteko zerbitzua urteko 365 egunetan erabil daiteke, gau eta egun.

Helburu gabia da gurea: maite ditugunei azken agurra emateko ingurune goxoa eskaintzea eta familiei tramite burokratikoen zama kentzea halako une zailetan, hasiera-hasieratik zerbitzu integrala emanez.

Irache Tanatorio Taldeak  hilerrien kudeaketa-zerbitzua eta garbiketa eta mantentze-lanak egiten ditu Nafarroako 250 udal eta kontzeju baino gehiagotan.

Bestalde, 2007. urtetik, Senda Fundazioaren bitartez, Irache Tanatorio Taldeak dolurako laguntza zerbitzua dauka hurbileko norbait hil zaienentzat. Horretaz gain, profesionalen prestakuntzaz arduratzen da, baita herritarrei orientazio eta prestakuntza ikastaroak emateaz ere.